-Almmuhus-
-Almmuhus-
-Almmuhus-
OĐĐASATHans (17) duššai lihkohis­vuođas

Hans (17) duššai lihkohis­vuođas

-

-

Lei Hans Villum Andersen gii duššai mohtorsihkkellihkohisvuođas Porsáŋggus.

Ovttasráđiid oapmahaččaiguin almmuhit politiijat mohtorsihkkelvuoddji nama, gii duššai go mohtorsihkkel ja guorbmebiila beaškkehedje oktii mánnodaga Porsáŋggus.

Politiijat leat gažadan guorbmebiilavuoddji. Sii eai leat váldán sus vuodjinlobi. Leat čađahuvvon kriminálateknihkalaš guorahallamat báikkis, ja Stáda geaidnojohtolaga lihkohisvuođajoavku lea iskan. Raporttat eai leat vel gárvásat.

– Ášši dutkojuvvo, ja lea ain beare árrat dadjat mii leat sivvan lihkohisvuhtii, dieđiha dutkanjođiheaddji Monica Lorentzen.

-Almmuhus-