-Almmuhus-
-Almmuhus-
-Almmuhus-
OĐĐASATGolbmasis gávdnon korona buohcce­viesus: – 2500 leat erremis

Golbmasis gávdnon korona buohcce­viesus: – 2500 leat erremis

-

-

Finnmárkku buohcceviessu dieđiha bearjadaga ahte korona lea njommon golmma pasientii buohcceviesus.

Buohcceviesus lea maid gávcci mielbargis duođastuvvon korona ja 29 mielbargi Finnmárkku buohcceviesus leat erremis. 

Bearjadaga eahkesbeaivvi dieđihii gielda ahte 37 ođđa njoammuma leat duođastuvvon Hámmerfeasttas. Oktiibuot lea dál 249 olbmos duođastuvvon koronadávda gávpogis. 

2500 olbmo leat maid erremis ja dat lea 25 proseantta buot gieldda ássiin. 

Hámmerfeastta gieldda sátnejođiheaddji Marianne Sivertsen Næss dajai preassakonfereanssas bearjadaga: 

– Sáhttet eanet positiiva iskosat duođastuvvot gielddas, muhto vuordit ahte njoammunlogut njidjet boahtte vahkus. Ii leat sáhka stuora servodatnjoammumis, muhto njoammun lagas oktavuođaid gaskka. Servodahkan mii leat garrasit váikkuhuvvon. 

(©NTB)

-Almmuhus-