Duorastateahkeda dieđihii Hámmárfeastta suohkan Twittera bokte ahte guovtti buohcceviesu bargis lea duođaštuvvon koronadávda.
Duorastaga skábmamánu 5. beaivvi, beaivet diibmu 13:00, čálii Hámmárfeastta suohkan Twitteris ahte sis lea ođđa njoammun buohcceviesus. Dearvvašvuođabargis, gii lea leamaš barggus buohcceviesus, lea duođaštuvvon korona. Bargi lea leamaš erremis, ja oaččui dávdamearkkaid moadde beaivvi maŋŋel errema.
Duorastaga eahkes dieđihii suohkan vuot Twitteris ođđa njoammuma mii guoská buohccevissui. Screening-iskosa vuođul duođaštuvvui buohcceviesu bargis koronadávda. Njoammunguorran lea álggahuvvon.
Bearjadaga iđđes dieđihii suohkan ahte maŋemus jándora leat 6:s dearvvašnuvvan dávddas, ja dál leat 14 koronabuohcci Hámmárfeastta suohkanis.
