Sihke Hámmárfeastta ja Girkonjárgga buohcceviessu leaba njeaidán gearggusvuođa rukses dásis fiskes dássái.
Hámmárfeastta buohcceviessu lea leamaš gitta golggotmánu 23. beaivvi rájes, ja dál lea mearriduvvon veahážiid mielde rahpat buohcceviesu doaimmaid.
Buohcceviessu váldá dál pasieanttaid vuostá geat dárbbašit heahtedivššu.
Finnmárkku buohcceviessu čállá preassadieđáhusas ahte sii čuvvot bures mielde movt dilli ovdána, ja leat gergosat rievdadit plánaid jus lea dárbu.
Juste dál leat guovtti buohcceviesu bargis koronadávda, ja 32 bargi leat erremis. Finnmárkku Buohcceviessu dieđiha maid ahte Finnmárkku buohcceviesuin ii leat dál oktage buohcame koronadávddain.
