28 olbmos lea dávda gávpogis, ja nu lea Hámmárfeasta ain ruoksadeamos gielda olles Norggas.
Vaikko mannan vahkkoloahpa dearvvasmuvve njealjis, de lea ain Hámmárfeastta suohkan dat ruoksadeamos korona-suohkan Norggas.
28 njoammuma mearkkaša ahte Hámmárfeastta njoammunlohku lea 244,6 juohke 100 000 ássis, dat lea buot alimus lohku olles riikkas.
Opdal ja Gol leat suohkanat mat leat lagamusas, dain suohkaniin lea njoammunlohku 200 ja 217.
– Báikkálaš njoammun mii mis lea dál dáppe váikkuha min buohkaid, sihke ássiid ja maid ealáhusdoaimmaid. Dat lea duođalaš dilli, dadjá Hámmárfeastta sátnejođiheaddji Marianne Sivertsen Næss Altapostenii.
Suohkanis eai biddjo johtui earenoamáš doaibmabijut, muhto sii čuvvot nationála njoammuneastadanstrategiija. Buot dearvvasvuođa institušuvnnat suohkanis leat giddejuvvon 14 beaivvi.
(©NTB)