-Almmuhus-
OĐĐASATHáliidit stuora penšuvnna, muhto eai guhkit bargat go dárbu

Háliidit stuora penšuvnna, muhto eai guhkit bargat go dárbu

-

-

Badjel bealli álbmogis oaivvilda ahte sii dárbbašit unnimusat 70 proseantta loahpahan bálkkas, vai ožžot buori penšuvnna áigodaga, muhto dušše okta goalmmádat oasis háliida bargat guhkit go 67 jahkái, čájeha iskkadeapmi.

53 proseantta álbmogis oaivvildit sii dárbbašit unnimusat 70 proseantta sin loahpahan bálkkás dahje eambbo, go sii mannet penšuvdnii. Ja 35 proseantta háliidit bargat guhkit go 67 jahkái vai ožžot eambbo penšuvnna, čájeha Opinions álbmotoaiviliskkadeapmi.

 

26 proseantta vástidii áhte lea dohkketmeahttun bargat maŋŋá go lea deavdán 67 jagi, ja 32 proseantta ges vástida áhte sii eai dieđe man guhká jurddašit bargat, 7 proseantta ges ahte čuolbmačilgehus ii leat áššáigullevaš.

 

Seammás vástida 19 proseantta ahte sii eai dárbbaš 70 proseantta loahpahan bálkkas go penšunerejit, 23 proseantta ges lea eahpesihkar dasa. Statistihkalaš guovddášdoaimmahat lea áigá dieđihan áhte penšuvdna mii mielddis buktá 70 proseantta heaittihan bálkkas lea badjelis go dan maid lea jáhkehahttivuohta dan áigásaš nuoraide oažžut.

— Váikkuhus dasa lea ahte juogo šattat guhkit bargat, dahje fertet eambbo seastit, lohká KLP bargi Morten Gjelstad . (©NTB).

-Almmuhus-