Guđas logis norgga sihkkelastiin háliidit buoret ja eambbo sihkkelgeainnuid, čájeha ođđa iskkus Trygg Trafikkas ja Tryg Forsikring mii ohcala áŋgiruššama sihkkelgeidnui.
– Šaddat dađistaga eambbo sihkkelastaleaddjit, ja sullii bealli dadjá ahte leat sihkkelastán maŋimuš jagi. Go eambbosat háliidit sihkkelastit árgabeaivvis, ja lea politihkalaš hállu ahte eambbosat geavahit birasseasti fievrrideami, de dárbbašuvvo áŋgiruššan buoret ja eambbo sihkkelgeainnuide, dadjá seniorráđđeaddi Trygg Trafikkas, Paal-Gunnar Mathisen.
Iskkus dahkkon YouGov:s Trygg Trafikk ja Tryg Forsikring ovddas, čájeha ahte sin gaskkas geat leat sihkkelastán maŋimuš jagis, leat 64 proseantta geat háliidit buoret ja eambbo sihkkelgeainnuid lagasbirrasis. Dát ii guoskka dušše sihkkellastejeaddjiide. Bealli álbmogis ollislaččat maid háliidit buoret sihkkelgeainnuid.
