Sámediggeráđđi lea bargame sámi mediadieđáhusain mas lea mihttun nannet sorjjasmeahttun sámi mediaid ja leat maid mielde váikkuheame sámi almmolašvuođa ságastallamiid. Dán olis bivdet olbmuid jurdagiid.
— Sámediggeráđđi háliida hábmet ollislaš sámi mediapolitihka. Dehálaš lea sihkkarastit dakkár máŋggabealat mediafálaldaga sámi álbmogii mii lea buorre vuođđun sámi servodatdigaštallamii, sámi sátnefriijavuhtii, ja addá vejolašvuođa sámiide searvat demokratiijii, dadjá ráđđelahttu Maja Kristine Jåma (NSR).
Dá leat gažaldagat maidda Sámediggeráđis háliidit olbmuin gullat oaiviliid:
1. Mii lea du mielas sihke buorre ja unnán buorre sámi mediain (Omd. sáhtát čilget ahte gokčet go sámi mediat guovllu gos don orut ja mo mediat vuoruhit sámegielaid?)
2. Sámi geahčastagas dahje perspektiivvas, mo muitaluvvo dat mediain?
3. Leatgo dus jurdagat sámi mediaid birra ja mas mii Sámedikkis galggašeimmet leat fuolas go čállit mediadieđáhusa?
Vástádusaid vurdet ovdal ođđajagemánu viđat beaivvi 2023.
Eanet loga das.
