-Almmuhus-
OĐĐASATHáliidit nannet suodjalusa Porsáŋggus ja Mátta-Várjjagis

Háliidit nannet suodjalusa Porsáŋggus ja Mátta-Várjjagis

-

-

Suodjalusa rolla Finnmárkkus lei fádda go fylkkasátnejođiheaddji, Runar Sjåstad deaivvadii suodjalusaministariin, Ine Eriksen Søreide oaivegávpogis.

– Fokusis lei mo čuovvolit ovddeš politihkalaš mearrádusaid Finnmárkku suodjalusdoaimmaid nannema dáfus. Mis lei maid ságastallán boahtteáigásaš doaimmaid birra suodjalusas čavčča rájis gitta suoidnemánu 2016 rádjai, muitala Finnmárkku fylkasátnejođiheaddji Runar Sjåstad.

 

– Mus lea jáhkku ahte Finnmárku oažžu stuorát rolla Norgga suodjalusas ovddasguvlui, lohká Sjåstad.

Fylkkasátnejođiheaddji maid atná árvvus go ministtar vuoruhii čoahkkima ja go sáhti boahtit čoahkkimii vaikko maŋŋit oaččui dieđu čoahkkima birra.

 

Porsáŋgu ja Mátta-Várjjat

Sjåstad lohká ahte Finnmárkku fylkagielda bargá árjjálaččat dán proseassas. Fylkagieldda vuoruha oččodit suodjalusa doaimmaid Porsáŋggus ja Mátta-Várjjagis lasihuvvot.

– Dasa lassin lea dehálaš ahte mii joatkit dainna buori ovttasbargguin Ruoššain, čilge Sjåstad.

-Almmuhus-