Buot valáštallanguovllut Davvi-Norggas dorjot Áhkkánjárgga ohcat alpint-máilmmimeašttirgilvvuid 2025.
Buot valáštallanguovllut Davvi-Norggas dorjot Áhkkánjárgga ohcat alpint-máilmmimeašttirgilvvuid 2025.
Buot golbma valáštallanguovllut Davvi-Norggas dorjot Áhkkánjárgga suohkana barggu ohcat máilmmimeašttirgilvvuid beassat lágidit 2025:s.
– Áhkkánjárggas leat rusttegat ja infrastruktuvra lágidit dakkár gilvvuid. Áhkkánjárga lea maid ovdal lágidan máilmmicup gilvvuid seamma valáštallansuorggis, čállá Finnmárkku valáštallanguovlu preassadieđáhusas.
Ovdánahttit Davvi-Norgga dákkár gilvvuin
Sáhttá ovdánahttit valáštallama Norggas go geavahit olles riikka internašunála gilvvuide.
– Hui fiinna govat TV:s geasuhit olbmuid miehtá máilmmi boahtit Davvi-Norgii, ja leat mielde nanneme davviguovlluid vuoruheami nu go eisseválddit háliidit. Valáštallan ferte maid váldit oasi ovddasvástádusas olahit mihttu, muitala Finnmárkku valáštallanguovlu.