Mánáidoadju ii leat lassánan Norggas 1996 rájes. Dál dáhttu Risttalaš Álbmotbellodat geavahit 10 miljárdda ruvnnu dasa.
Mánáidoadju ii leat lassánan Norggas 1996 rájes. Dál dáhttu Risttalaš Álbmotbellodat geavahit 10 miljárdda ruvnnu dasa.
Risttalaš Álbmotbellodagas lea áigumuš lasihit dienasvearu 10 miljárdda ruvnnuin vai mánáidoadju gorkŋošii 12.000 ruvnnus 20.000 ruvdnui boahtte golmma jagis.
– Mánáidoadju ii leat lassánan 1996 rájes vaikke haddegoargŋun leamaš 55 proseantta dan rájes. Dat mearkkaša ahte mánáidoadju njiedjá. Seammás lea mánáidgeafivuohta lassánan 4 proseanttas 10 prosentii 1990-logu rájes, lohká Risttalaš Álbmotbellodaga nubbijođiheaddji Kjell Ingolf Ropstad.
Dienasvearu lassáneapmi váikkuhivččii eanemusat sidjiide geat dinejit buoremusat. Olbmos geas eai leat mánát ja dine miljovnna ruvnnu jahkái šattašii máksit 9.000 ruvnnu eanet vearu jahkásaččat.
Mánáidoaju lassáneapmi dagašii ahte bearaš mas leat guokte máná ja 940.000 ruvnnu jahkedienas oččošii 13.000 ruvnnu eanet maŋŋel go leat máksán vearu, čállá NTB.
