Ođđa politiijameastára ohcciidlisttu lea dál almmuhuvvon.
Ođđa politiijameastára ohcciidlisttu lea dál almmuhuvvon.
Almmuhuvvon listtus geat leat ohcan Finnmárkku politiijameasttirin leat njeallje ohcci. Okta nissonolmmoš ja golbma dievdoolbmo leat ohcan virgái. Ođđa Finnmárkku politiijaguvlui ohcet strategalaš ja doaimmalaš jođiheaddji.
Ohccit leat:
Matioc, Alexandru Ovidiu (22) Call Center Frontline, 1182
Hætta, Ellen Katrine (45), Politiijameasttir, Girkonjárga
Larsen, Ove (34), Mašiidnalatnjabargi, Romsa
Lorentzen, Øyvind (45), Leansmánni, Áltá
(Goargu, namma, ahki, dálá bargu, báiki)
Boahttevaš vahkkuid čađaha Politiijadirektoráhtta kandidáhtaid jearahallamiid. Mihttu lea virgádit ođđa politiijameastára nu jođánit go vejolaš, ja maŋimusat dán jagi loahpas.
– Mis leat nanu namat geat leat ohcan virgái, muhto dieđusge maid ohccit geat eai leat politiijameastárat dál, lohká Politiijadirektoráhta HR-direktevra, Karin Aslaksen.
Ferte áŋgiruššat servvodahkii
– Politiija dárbbaša árttalaš jođiheddjiid geat áŋgiruššet politiija servvodatbarggu doaimmahit. Sis ferte leat gealbu go galget čađahit rievdademiid, ja fertejit čeahpit jođihit olbmuid ja fága, lohká Aslaksen.
Rievdadeapmi
Norggas leat bidjan oktii politiijaguovlluid dálá lohkui mii lea 12 guovllu. Boares ortnega mielde ledje 27 guovllu Norggas. Romsa ja Oslo leat dat politiijaguovllut mat eai rievdaduvvo.
Politiijameastáriid Norggas nammada ámmáhii Gonagas stáhtaráđis.
