-Almmuhus-
OĐĐASATHáliidit gieldit heli-čieras­tallamiid duodda­ris

Háliidit gieldit heli-čieras­tallamiid duodda­ris

-

-

Čearru háliida bissehit buot heli-čuoigamiid sin guohtoneatnamiin duoddaris.

Heli-čierastallan lea go turistačuoigit girddihuvvojit helikopteriin alla váriide ja nu čierastit duoddariin vulos. Muhto dál háliida Leavas čearru Girona guovllus bissehit buot  heli-čuoigamiid sin čearus. Sivva lea go helikopterat ja čierastallit ráfehuhttet bohccuid guođodettiin, erenoamážit dál go lea goavvejahki, čilge Leavas čearu ságadoalli Nila Inga. 

– Min ealut leat alla váriin duoddaris dál go lea goavve jahki. Heli-čuoigamat ráfehuhttet bohccuid ja mii fertet suddjet ealuideamet. Ja jus  ráfehuhttet bohccuid de ferte váidit dan politiijaide. Gávdno boazodoallolágas paragráfa 94 mii dadjá ahte bohccuid ii oaččo ráfehuhttit goađodettiin čilge Inga SVT Nyheterii. 

Maiddái Talma ja Gábna čearut Girona guovllus háliidit čuovvolit Leavas čearu ja gieldit heli-čierastallamiid duoddaris. 

-Almmuhus-