– Biilavuoddjit geat vudjet geassedeahkaiguin dálvet leat várálaččat sihke alcceseaset ja earáide. l
Dan lohká Tryg dáhkádusfitnodaga gulahallanráđđeaddi Torbjørn Brandeggen.
Heajos deahkat lea váldosivvan biilalihkohisvuođaide Norggas ja guorahallan čájeha ahte beaivválaččat vudjet duháhiid mielde olbmo geassedeahkaiguin dálvesiivvus, čállá Tryg dáhkádusfitnodat preassadieđáhusas.
– Mii háliidit ođđa njuolggadusaid ahte dálvet galget biikadeahkat dahje biikakeahtes dálvedeahkat adnot buot biillain. Ii leat doarvái ahte biilavuoddji mearrida dan ieš, dadjá Brandeggen. Dáhkádusfitnodat háliidivččii maid garrasit ráŋggáštusa go vuodjá geassedeahkaiguin dálvet, earret eará alla sáhkuid.
