Maŋŋel go pandemiija leavai Norgii, de lea eambbosiin miella čađahit joatkkaoahpu.
26 proseantta norgalaččain háliidivččii gazzat joatkkaoahpu, čájeha ođđa guorahallan.
Opinionen jearai 19 000 norgalaččas dan seamma gažaldaga cuoŋománus diibmá ja dalle vástidii 16 proseantta ahte livččii hállu čađahit joatkkaoahpu.
Dat mearkkaša ahte eambbosiin lea badjánan oahppomiella maŋŋel go pandemiija leavai Norgii.
Gelbbolašvuohta lea dehálaš
Diibmá ilmmai ráđđehusa gelbbolašvuođareforbma, ja das lea ulbmilin ahte ii okta ge galgga massit bargovejolašvuođaid danin go ii leat doarvái gelbbolašvuohta.
Stádaministtar Erna Solberg dajai dalle ahte Norgii lea dehálaš ahte olbmot barget ja studerejit eallenagi.
– Pandemiija lea dagahan ahte eambbosat háliidit studeret, gazzat joatkkaoahpu dahje nuppástuhttit bargodilálašvuođas. Dát lea eanet dehálaš dál go diibmá, dadjá Opinionen seniorráđđeaddi Nora Clausen.
(©NTB)
