-Almmuhus-
OĐĐASATHáliidit fállat nuvttá preven­šuvnna buot vuollel 16-jahká­saččaide

Háliidit fállat nuvttá preven­šuvnna buot vuollel 16-jahká­saččaide

-

-

Sex og Politikk ja nuoraidorganisašuvdna SNU háliidá ahte buot vuollel 16-jahkásaččat galget oažžut nuvttá prevenšuvnna. 

Dál leat organisašuvnnat ráhkadan vuolláičállinkampánja dan ovddas.

Organisašuvdna čilge ahte duogáš lea go dálá doarjjaortnegis ožžot gaskal 16- ja 22-jahkásaččat ekonomalaš doarjaga prevenšuvdnii, ja ožžot nuvttá dahje hálbbiduvvon prevenšuvnna. Jus leat vuollel 16-jahkásaš ja dárbbašat prevenšuvnna, de fertet máksit olles hatti. Dat lea vaikko juohke goalmmát nuorra debutere seksuálalaččat ovdal ge deavdá 16 jagi. Oslo gielda lea juo mearridan nuvttá prevenšuvnna buot vuollel 16-jahkásaččaide, ja dál gáibidit ahte ortnet galgá guoskat olles riikii.

– Mii fertet ovttas bargat ahte vuollel 16-jahkásaččat olles Norggas leat mielde stáhta doarjjaortnegis prevenšuvdnii. Danin leat mii Sex og Politikkas ja SNU ráhkadan vuolláičállinkampánja maid maŋŋelaš dán jagi ovdanbuktit Stuoradiggái, dadjá beaivválaš jođiheaddji Tor-Hugne Olsen.

-Almmuhus-