Suoma sámedikki Duodjeakademiija-prošeavtta vuosttaš álbmotdeaivvadeamis lei čielga diehtu álbmogis.
Prošeaktakoordináhtor, Iŋgá Påve Idivuoma, muitala ahte bohte birrasiid 30 olbmo ságastallat guovllu duodjedárbbuid ja duoji ovdánahttima birra. Guovllu olbmuid mielas galggašii vuosttažettiin cegget Gárasavvonii duodjeviesu, gos besset bargat sihke dipma- ja garradujiin. Duodjeviessu leage Duodjeakademiija plánain leamaš álggu rájes.
– Jus duodji galgá ovdánit Garasávvon guovllus, de dan ferte sáhttit dahkat báikkálaččat, dadjá Påve Idivuoma Yle Sápmái.
