Duodjeinstituhtas ii leat visti Kárášjogas, ja dál lea dahkkon šiehtadus oastit InKa vistti, muhto váilu ruhta.
Duodjeinstituhtta lea sádden reivve Kárášjoga gildii mas boahtá ovdan ahte sis ii leat visti Kárášjogas, muhto leat dál šiehttan oastit Inka vistti 1 650 000 kruvdnii.
Duodjesiida, mii eaiggáda visttiid maid Duodjeinstituhtta láigoha Guovdageainnus, dat oastá vistti jus buot ordnašuvvá.
InKa visti ii govčča instituhta dárbbuid ja ferte heivehuvvot, dan oktavuođas ohcet doarjaga gielddas oastit vistti.
Nákcejit roggat 200 000 kruvnno ieža
Duodjesiida lea fállán 1 650 000 kruvnna InKa vistti ovddas, muhto sii eai nagot gokčat iešruhtadeami man báŋku gáibida.
Duodjesiida lea ožžon 1 350 000 kruvdnosaš loana ja iešruhtadeapmi lea 342 000 ruvdno, ja ohcet Kárášjoga gielddas 146 000 kruvnno doarjaga vai sáhttet čađahit visteoastima, čállá Duodjeinstituhtta ohcamis gildii.
