Bargiidbellodat áigu evttohit láhkarievdadusa mii vuolidan šielmmá báhčit gumpe. – Láhka lea eahpečielggas, oaivvilda biraspolitihkkár Espen Barth Eide.
Bargiidbellodat áigu rievdadit lága mii hálddaša návddiid Norggas. Bellodat dáhttu ođđa mearrádusa: Go nállemihttui lea ollen, de dat galgá leat doarvái eiseválddiide mieđihit bahčit boraspire. Dalle eai dárbbat eiseválddit geavahit eará ákkaid mieđihit bahčimii.
– Boraspirešiehtadus galggai vuolidit riidodási, muhto dat ii leat doaibman, dadjá Espen Barth Eide NTB:i.
Barth Eide muitala sin láhkarievdadus boahtá leat iešheanalaš evttohus.
Ovddádusbellodat maid dieđihit sii áigot geahčadit dien lága. Barth Eide muitala son ii áiggo lihccut vejolašvuođa dien guovtti bellodagas gávdnat oktasaš čovdosiid.
– Mii evttohit rievdadusa. Jus Ovddádusbellodagas buktá eanetlogu, de lea dat midjiide ortnegis, dadjá son.
(©NTB)
