Finnmárkuopmodat (FeFo) lágida gieddedárkkistankurssa ovttas Vuovdedoalu kursainstituhtain ja Biebmobearráigeahčuin.
Ulbmil lea oahpahit gieddedárkkisteddjiid, geain lea formála gelbbolašvuohta, dohkkehit bierggu vuovdima váste. Juohke kursii čáhket unnimusat 20 oasseváldi. Iežasoassi lea 1750 ruvnno ja rehket sáddejuvvo kurssa maŋŋel. FeFo gokčá reastta kursagoluid. Kursadivat gokčá biepmu ja kursaávdnasiid, čállá FeFo preassadieđáhusas.
– Fuođđobivdit geain lea unnimusat vihtta jagi hárjáneapmi ja njuovvanhárjáneapmi unnimusat 20 fuođđus ožžot kursaduođaštusa. Eambbo dieđuid gávnnat dás.
Dáppe lágiduvvo
Kursa lágiduvvo Guovdageainnus miessemánu 18. ja 19. beaivvi, Álttás miesemánu 20. beaivvi ja Vuonnabađas miesemánu 21. beaivvi. Logaldalli ja kursajođiheaddji lea Biebmobearráigeahču šibitdoavttir Dagh Bakka.
