-Almmuhus-
OĐĐASATHáliida diehtit man olu sáhttet bilidit

Háliida diehtit man olu sáhttet bilidit

-

-

Kárášjoga gieldda eanandoaluossodat lea ožžon gažaldaga ahte man ollu bohccuid guohtun sáhttá dagahit vahágiid ođđa gilvojuvvon gittiide.

Eananeaiggát Stig Harby lea sádden gažaldaga Kárášjoga gieldda eanandoaluossodahkii, mas bivdá árvvoštallama ahte man ollu boazu sáhttá bilidit ođđa gilvojuvvon giettis.

 

Bivdá árvvoštallama

Harby lea gilván ođđa gittiid Basevuovddis Anárjogas.

Son čállá reivves ahte son lea ovttas kránnjá siiddain šaddan ovttaoaivilii, ahte bohccot bohtet guohtut dáid gilvojuvvon gittiin ja bilidit eatnama muhtin áigodagas dálvet, jus giettit eai áidojuvvo albmaláhkai.

 

Son bivdáge ahte gieldda eanandoaluossodat čađahivčče árvvoštallama ahte man ollu boazu sáhttá dagahit vahágiid gittiide, mat leat muohttaga vuolde 50-60 beaivvi guohtuma maŋŋel.

 

 

 

-Almmuhus-