Bargiidbellodat háliida nannet Našunála johtolatplána.
Bargiidbellodat háliida nannet Našunála johtolatplána.
Ingalill Olsen háliida sihkkarastit Davvi-Norgga luottaid. Bargiidbellodat áigu boahtte jagi álggahit plánet movt sihkkarastit uđđasa vuostá E6 bokte Kvænangsváris, E6 bokte Grasnesas Romssas ja riikkageainnu 93 bokte Silisávžžis. Nu dieđihit preassadieđáhusas.
100 miljovnna eambbo go ráđđehus
– Dálkkádatrievdamat leat hástalussan johtolahkii. Bargiidbellodat moaitá dasto go ráđđehus ii vuorut uđassihkkarastima eambbo. Dat lea okta Bargiidbellodaga stuorámus vuoruhemiin Našunála johtalusplánas 2018-2019, ja mii ávžžuhit nannet dán beali, lohká Olsen.
Eambbo doaimmaid
Bargiidbellodat lea maid evttohan sihkkarastit doaimmaid jus garradálki boahtá. Eambbosiidda leat vahágiin go garradálkkit ja dulvvit leat.
Dat dagaha maid stuorát uđasvára. Danne háliida Bargiidbellodat nannet kártenbarggu 61 miljovnnain, dulveeastadeami 50 miljovnnain ja 48 miljovnnain NVE rusttegiidda.
– Ráđđehusa evttohus hirpmahuhtii min, go lea juste nuppe ládje, sii leat vuolidan juolludeami dáidda doaimmaide. Sii eai váldde ovddasvástádusa, ja šaddá divrasit guhkit áigái. Mii diehtit ahte lea hálbbit eastadit go divuhit, lohká Olsen.
