Unjárgga gielda lea vuolidan čáhcedivada olbmuide geat ožžot čázi Unjárgga čáhcerusttegis miessemánu 15.beaivve rájes.
Buot čáhceiskosat čájehit ahte Unjárgga čáhcerusttega čáhci ii leat nuoskiduvvon ja čázis eai leat bakteriijat.
– Danne eat leat dieđihan olbmuide ahte galget vuoššat čázi, čállá gielda.
Unjárgga gielda háliida liikká vuolidit čáhcedivada miessemánu 15. beaivve rájes, sivvan dasa lea go čáhci lea ruškkodan ja dat hehttehusat gusket olbmuide dan oktavuođas.
Dát mielddisbuktá ahte geavahanmáksámuš sihkkojuvvo ja abonneantat mákset beali, dassá go čáhci lea fas čielgan.
