Ráđđehus lea mearridan ásahit alimusmávssu riŋget ja sáddet teakstadieđuid olgoriikka telefunnummiriidda.
Ođđa EU njuolggadusaid mielde ii galgga máksit eanet go ruvnnu ja 90 evrre minuhttii riŋget eará EU-riikkaid telefunnummiriidda. Teakstadieđuid alimusmáksu fas lea 60 evrre.
Dát njuolggadusat doaibmagohtet miessemánu 15. beaivvi, ja dál lea maiddái Norgga ráđđehus mearridan čuovvulit daid njuolggadusaid farggamusat.
– Dál lea seamma haddi riŋget ja sáddet teakstadieđuid go mátkkoštit EU-riikkain, ja dál galgá maiddái šaddat hálbbibun riŋget ja čálašit bearrašiin ja skihpáriiguin geat ásset EU:s, dadjá digitaliserenministtar Nikolai Astrup.
5-siffar nummirat
Ráđđehus árvala maiddái gieldit almmolaš doaimmaid ja eaktodáhtolaš servviid váldit eanet mávssu go olbmot riŋgejit sin 5-siffar nummiriidda.
Ráđđehus oaivvilda ahte daid nummiriidda galgá seamma haddi riŋget go mátke- ja viessotelefovnnaide.
– Guhkit áigge leamaš menddo divrras riŋget 5-siffar nummiriidda ja dán áiggošin rievdadit, dadjá Astrup.
(©NTB)
