Stuoradikki ovddasteaddji ja ovddes FRP-jođiheaddji Carl I. Hagen dadjá ahte Fosen Vind ja Statkraft berrejit sihtat Alimusrievtti rahpat Fovse-ášši.
Hagen čállá ahte sutnje lea Norgga Alimusrievtti duomus boazodoallu definerejuvvon kultuvradoaibman.
– Mun jáhkán eanetlohku livčče ovttaoaivilis muinna ahte boazodoallu lea vuosttažettiin ealáhusdoaibma nu go vuoksá-, gusa-, sávzza- ja vuoncábiergobuvttadeapmi, čállá son kronihkas mii lea almmuhuvvon VG aviissas.
Hagen čállá maid ahte ON-konvenšuvnnas iige Norgga vuođđolágas leat čállon ahte «boazodoallu lea kultuvra iige ealáhusdoaibma» Danin son oaivvilda ahte lea dárbbašlaš fas iskat vuđolaččat man olu bieggamillot hehttejit bohccuid guohtumis guovllus. Jus bohccot guhtot bieggamilluid lahkosis, de berre Alimusriekti fas geahčadit Fovse-ášši duomu, čállá son.
(©NTB)
