-Almmuhus-
OĐĐASATHætta gásttašii fatnasa

Hætta gásttašii fatnasa

-

-

Riddodoaimmahaga ođđaseamos fanas, OV «Bøkfjord» gásttašuvvui ikte, čakčamánu 15.beaivvi Ålesunddas, ja risteadni lei Finnmárkku politiijameašttir Ellen Katrine Hætta.

«Bøkfjord» lea Riddodoaimmahaga vuosttaš hybridfanas, ja das lea maid stuorimus batteriijabáŋku mii lea goassege biddjon dákkár fatnasii Norggas.

– OV «Bøkfjord» lea buoret birrasii go sullásaš fanas. Das ii leat nu alla jietna go lea čoahkkebáikkiid lahka, ja dat ráidne maid nuoskkidemiid, čilge Riddodoaimmahaga prošeaktajođiheaddji fatnasis Kurt-Ivar Gram Franck.


OV ”Bøkfjord”. Govven: Kystverket/Pål Are Lilleheim

– Batteriijačoavddus fatnasis dagaha ahte mii seastit 25 proseantta boaldámuša, ja dainna nuoskidit unnit ja ii gáibit nu ollu divodeami, čilge Franck.

OV «Bøkfjord» lea máŋggalágan doaibmi fanas, ja galgá leat doaimmas Romssas ja Finnmárkkus. Fanas galgá geavahuvvot divodanbargguid oktavuođas ja eará gearggusvuođabargguin.

-Almmuhus-