Hábmeris lassána koronalohku.
Dál lea Hábmeris 21 olbmui njommon korona, čállá Hábmera suohkan preassadieđus.
Suohkan oaččui ovtta ođđa duođaštusa lávvordaga maŋŋelgaskabeaivvi. Suohkanis dovdet njoammungeainnu ja njuolggooktavuođaid.
Loga maid: 280 olbmo erremis Hábmeris
Eai čuovo njuolggadusaid
Hábmera suohkana sátnejođiheaddji Britt Kristoffersen ballá logu lassánit dás ovddasguvlui ja lohka ná preassadieđus:
– Vai nagodit bissehit njoammuma lea hui dehálaš ahte buohkat čuvvot rávvagiid ja njuolggadusaid mat leat doaimmas dál. Mii oažžut dieđuid ahte dát ii álot geava.
Loga maid: Karete (45) lea okta 18 olbmos Hábmeris geain lea korona: –Buorre go gilis dihtet
