-Almmuhus-
SMÁVVAOĐĐASATGuovžžaid lohku lassána ain Norggas 

Guovžžaid lohku lassána ain Norggas 

-

-

Diibmá duođaštuvvui ahte eai goassege leamaš nu olu guovžžat, njiŋŋalas guovžžat ja čivgamat go 2009:s goas riikaviidosaš DNA-vákšun álggahuvvui. Rovdata ođđa raporta čájeha ahte guovžanálli lea dattetge vuollel našunála guovžanáli mii lea 13 čivgama.

Rovdata vakšu guovžanáli jahkásaččat ja lea čađahan riikaviidosaš guovžžaid DNA-čoaggima 14 jagi.

Rovdata lea vuostáiváldán 1390 DNA-iskosa, ja analysat čájehit ahte dat bohtet 175 iešguđetge guovžžas: 79 njiŋŋelas guovžžas ja 96 varris guovžžas. 14 guovžža leat duođaštuvvon jápmán ovddit áigodaga rájes. 

– Leat 15 eanet guovžža go jagis 2021 ja dat lea alimus guovžalohku 2009 rájes go vákšugođiimet guovžžaid DNA-iskosiid bokte, lohká Rovdata jođiheaddji Jonas Kindberg.

Eanaš guovžžat ledje dovddus guovžaguovlluin Norggas, nu go Hedemárkkus, Davvi-Nuorta-Trøndelágas, Sis-Romssas, Anárjogas Kárášjogas ja Mátta-Várjjagis.

Kindberg lohká guovžanállái lea dehálaš ahte njiŋŋelas guovžžat lassánit go dat dat guddet čivggaid. Diibmá duođaštedje 79 njiŋŋelas guovžža mii lea 12 eanet go 2021:s ja dat čájeha ahte lohku lassána. Eanemus lassánii Hedemárkku fylkkas, Trøndelágas njiejai veaháš ja Romssas ja Finnmárkkus lassánii veaháš.

Stuorradiggi lea mearridan ahte galget leat 13 guovžačivgama jahkásaččat Norggas ja guovžanálli 2022:s lei vuollel dán mihttomeari.

-Almmuhus-