-Almmuhus-
OĐĐASATGuovža vuddjon biilii 

Guovža vuddjon biilii 

-

-

Norrbottena politiijat dieđihit biilalihkohisvuođa birra mii geavai mánnodaga eahkedis E4 luottas Bihtama olggobealde, Norrbottena leanas. Biilavuoddji lea vuodján guovžža njeaiga. 

Mánnodaga eahkedis bođii diehtu Norrbottena politiijade biilalihkohisvuođa birra. 

Biilavuoddji lea vuodján guovžža njeaiga go vujii E4 luottas Bihtama olggobealde. Politiijat bohte lihkohisvuođabáikái ja sáhtte duođaštit ahte guovža lei vuddjon jámas.  

– Lea guovžačivga mii vuddjui, dieđiha politiija gulahalli Lina Åström. 

Politiijat leat sádden guovžža iskamii Ruoŧa stáda šibitmedisiinnalaš ossodahkii.

Ii oktage roasmmehuvvan lihkohisvuođas. 

-Almmuhus-