Politiijat leat gávnnahan ahte guovža, mii báhččui Deanus borgemánus, báhččui heahtegádjunparagráfa vuođul.
Politiijat leat geargan dutkamin guovžabáhčima mii geavai Máskevári guovllus Deanu gielddas.
Romssa ja Finnmárkku Stáhtahálddašeaddji lei addán báhčinlobi báhčit guovžža go lei speadjan sávzaealus Deanu gielddas.
Borgemánu 8. beaivvi báhččui 108 kilosaš varis guovža heahtegádjunparagráfa vuođul gáhtten dihte sávzzaid. Politiijat leat dutkan ášši go báhčči ii lean fuođđobivdojoavkkus, ja politiijat leat gávnnahan ahte guovža báhččui heahtegádjuma dihtii ja leat heaittihan ášši, čállá Rovdyr.
