Gaskavahku čuovganeapmái báhččui guovža Plassjes. Bivdojoavku guorai beatnaga vehkiin guovžža ja báhče dan.
Guoradettiin guovžža dan guovllus gos báhče varris guovžža, gávnnai bivdojoavku olu jápmán sávzzaid, čállá NRK.no. Bivdojoavku oinnii guokte guovžža vázzimin ovtta fáru. Go bivdojoavku lei dušše ožžon lobi báhčit ovtta guovžža, de fertejedje diktit nuppi guovžža mannat bážekeahttá.
Plassje, Os ja Holtålen bivdojoavkku jođiheaddji ja luondduhálddašeaddji Hans Iver Kojedal muitala sii gávdne mannan maŋŋebárgga eahkeda guovžža goddon sávzza Prahke gilážis (dárogillii Brekken) .
Overhalla báikkis Davvi-Trøndelagas báhččui ges mannan vuossárgga guovža mas lei ealli láppis njálmmis, čállá NRK.no.
Prahke
