Politiijat leat duoguštan olu divrras dávviriid mat leat suoláduvvon máŋgga fitnodagas Hámmárfeasttas.
Politiijat leat bargan intensiivvalaččat áššiin dan rájes go mánnodaga fuobmájedje suoládeami birra Jysk-rámbuvrras Hámmárfeasttas.
– Mii leat dahkan teknihkalaš iskkademiid ja gažadan olu olbmuid, mii dagahii ahte mii válddiimet guokte albmá gitta. Leaba njealját- ja viđátlot jahkásaš dievddut geaid politiijat bures dovdet ovdalaččas. Goappašagat orruba Finnmárkkus. Nubbi dievddu lea dasa lassiin váidojuvvon go galgá leat ávkkástallan suolagálvvus, čállet politiijat preassadieđáhusas.
Olu fitnodagain suoláduvvon
Iešguđetlágan fitnodagain leat suoláduvvon divrras dávvirat, ja eanas dáin dávviriin leat dál duoguštuvvon politiijaide dál. Dán ášši oktavuođas leat politiijat leamaš iešguđet čujuhusas Hámmárfeasttas ohcame lobihis diŋggaid, ja leat duoguštan sullii 30 grámma amfetamiinna ja hášša.
