Jos fuobmát čázi golgame viesus, lea dehálaš giddet čázi jođánit. Muhto ollu olbmot eai oba dieđe ge gos dan krána gávdná.
Jahkásaččat leat čáhcevahát Norgga ruovttuin masá golmma miljárdda ruvnnu ovddas, Finans Norge dieđuid mielde.
– Leat dávjá stuora, áddjás ja divrras čáhcevahágat. Ja lea dan duohken máhtát go giddet čázi jus dat golgagoahtá ja bártidat, dadjá Annika Persson, Codan Forsikringa vaháthoavda.
Iskosis, man Norstat lea čađahan, ii dieđe 20 proseantta álbmogis gos bissehankrána lea. Gaskal 18- ja 29-jahkásaččain leat vearrás logut, go 60 proseantta sis ahte eai dieđe gos bissehankrána oba leage.
– Leaš dal ásodat ođas dahje boaris, de ferte bissehankrána leat álkit olámuttos ja álki hálddašit. Buohkat, geat orrot ásodagas, berrejit diehtit gos dat lea ja hárjehaddat giddet dan, rávve Annika Persson.
