Regiovdna Norrbotten dieđiha ahte guovttis vel leaba jápmán koronadávdii.
25 olbmo ožžot maid divššu leana buohcceviesuin, ja guovttis vel leaba intensiivadivššus.
Leat dál oktiibuot 96 olbmo jápmán koronadávdii Norrbottena leanas.
Vel 93 olbmos lea dieđihuvvon koronadávda maŋemus jándora leanas. Dál lea 3752 olbmos dieđihuvvon korona dan rájes go korona njoammugođii.
Mannan vahkus válde 6069 olbmo koronaiskosa Norrbottena leanas, ja 609:s dain lei covid-19 infekšuvdna gorudis. Norrbottenis ásset 249 768 olbmo.
