Dán jagi leat dan guovtti vuosttaš mánus duššan njealje dievdoolbmo ja okta nissonolmmoš heavvanemiin.
Guokte heavvaneami dáhpáhuvve guovvamánus ja golbma ođđajagimánus. Leat ollu unnánat heavvaneamit go diibmá seamma áiggi, go de heavvanedje 11 olbmo dan guokte vuosttaš mánu. Dáid dieđuid gávdnat Redningselskapet heavvananstatistihkas.
Guokte dáin heavvanemiin dáhpáhuvve Vestlánddas ja Romssa ja Finnmárkku fylkkas.
— Mis lea doaivva ahte heavvaneamit unnot jagi mielde. Nu ahte mii ávžžuhit buohkaid leat várrogasat čáziid lahka. Váldit buori riskaárvvoštallama, leaš dal fatnasis, jieŋa alde, dahje tuvrras rabas čáziid lahka, muitala Redningsselskapeta jođiheaddji heavvaneami fágasuorggis Tanja Krangnes.
(©NTB)
