Johtolatpolitiijat čađahedje leahttobearráigeahču guovtti báikkis Álttá suohkanis.
Bearjadaga čađahedje johtolatpolitiijat leahttobearráigeahču Álttá suohkanis. Okta biilavuoddji vujii 88 kilomehtera diimmus báikkis gos leahttomearri lea 50 kilomehtera ja nu duoguštedje biilavuodjinkoartta.
Menddo olu čuoggát
Nubbi biilavuoddji ges vujii 99 kilomehtera diimmus, báikkis gos leahttomearri lea 70 kilomehtera. Vuoddjis ledje menddo ollu čuoggát vuodjinkoarttas ja dan sivas massii vuodjinlobi. Guktot mieđiheigga duoguštusa.
Muđui oaččuiga guovttis gehppes sáhku alla leahttu geažil, dieđihit Finnmárkku politiijat Twitteris.