Guovdageainnu suohkanis leat bargoveahkahástalusat koronadilálašvuođa geažil, ja dál ohcet sadjásaš bargiid.
Guovdageainnu suohkanis leat bargoveahkahástalusat koronadilálašvuođa geažil, dieđiha suohkan iežaset ruovttusiiddu bokte.
Koronadilálašvuohta lea buktán bargoveahkahástalusaid go njoammuneastadannjuolggadusaid vuođul galgá bargi ruovttus jus nuorvodávdamearkkaid dovdá.
Suohkan čállá iežaset neahttasiiddus ahte suohkana fásta bargit ja fásta sadjásaš bargit váibet bargat badjeláiggiid, ja sii dieđihit ahte lea hástalus gávdnat doarvái ollu sadjásaš bargiid bargui. Dál ohcet bargiid bálvalusaide, nu go mánáidgárddiide, vuođđoskuvlii ja dearvvašvuođa- ja fuolahusbargguide.
