-Almmuhus-
OĐĐASATGuovdageainnus ávvudedje vuoittuid ikte

Guovdageainnus ávvudedje vuoittuid ikte

-

-

Okta dievdu Guovdageainnus vuittii milijuvnna ruvnno ikte «Nabolaget» ruhtaspealus.

Bearjadaga eahket gessui Guovdageaidnu leat okta váldobáikkiin «Nabolaget» ruhtaspealus, ja okta dievdu vuittii váldovuoittu. Su eamit lei maid speallan, ja vuittii dego okta su ránnjáin geat vuite 100 000 ruvnno.

Náittosbárra geat vuittiiba milijuvnna ja 100 000 eaba hálit sudno namaid almmuhit, muhto sudno ránnját geat leat vuoitán daid unnibuš supmiid leat maid nu movttegat ja eai doala iežas vuoittuid čiegusin.

 

– Lean speallan «Nabolaget» dan rájes go álggahuvvui, muhto in leat jáhkkit vuoitit. Dál dovddan iežan áibbas guoros, muitala váldovuoiti go Norsk Tipping riŋgii sutnje,

– Vuoi máilbmi, dát han lea issoras buorre. Ja buorre go goappašagat spealaime. Dál gal soaitá šaddat ávvudit, logai eamit.

 

Ránnját illosan

Vihtta lagamus ránnjá váldovuoitis vuite 100 000 ruvnno. Okta sis lei Liv Inger Somby gii lei ribahan boasttu spealu válljet. Dál son ii gáđa.

– In lean vuordime dakkár telefuvnna. Jurddaš go spellen boasttu spealu ja de vuiten, lohka Somby Norsk Tippingai.

 

Váldovuoiti ránnjá, Malene Larsen Gaino oaččui maid čuojaheami Norsk Tippingas ja logai:

– In leat goassege vuoitán ná ollu ruđaid ovdal. Ii leat dávjá ahte nie dáhpáhuvvá. Dát gal lea nu suohtas. Doivon ahte lea tulljatelefuvdna álggos.

 

Dievdu (35 jagi), maid vuittii 100 000 ruvnno go lei lagamus ránnjá váldovuoitis.

 

Eará «Nabolaget» dán vuoru leat:

Eide, Møre og Romsdal

Auklandshamn, Hordaland

Maura, Akershus

Oslo

Kjeller, Akershus

-Almmuhus-