Guovdageainnu suohkanstivra lea mearridan ahte Hánnoluohkká geaidnu galgá giddejuvvot.
Duogáš manne geaidnu galgá giddejuvvot lea earret eará sávaldat bissehit čađajohtolaga dán geainnu mielde, ja ahte galggašii álkit doalahit leahttoráji mii lea 30 km/t.
Hánnoluohkká-geaidnu lea fylkkageaidnu E45 rájes gitta Diehtosiidda luoddaerrui. Viidásit lea geaidnu suohkangeaidnu, gitta Biedjovággeluddii, ja dát geaidnobihttá dat leage man galgá giddet.
Guovdageainnu suohkan háliida gullat guhte molssaeavttu álbmot dáhttu.
