Ovdaprošeakta lea jođus ja boahtteáiggis galggašii ceggejuvvot Guovdageainnu meahcceguovddáš. Earret eará Guovdageainnu suohkan, FeFo ja Luonddugáhttenlihttu leat ruhtadan álgoprošeavtta.
Ovdaprošeakta lea jođus ja boahtteáiggis galggašii ceggejuvvot Guovdageainnu meahcceguovddáš. Earret eará Guovdageainnu suohkan, FeFo ja Luonddugáhttenlihttu leat ruhtadan álgoprošeavtta.
Ávjovári luonddugáhttenlihtu ovdaprošeavtta jođiheaddji Svein Lund, ovdaprošeavtta mielbargit ja resursajoavku leat ovttasbargame earret eará Guovdageainnu suohkaniin ja FeFoin álggahit Guovdageainnu meahcceguovddáža.
Dainna sii leat muhtin áiggi bargan ja dál sii leat buktán álgoprošeavtta raportta.
Dehálaš suohkanii, Finnmárkui ja Sápmái
Dán raporttas sii čilgejit ahte sin mielas lea dákkár guovddáš dehálaš suohkanii ja guovllu ássiide, Finnmárkui, Davvi-Norgii ja Sápmái.
Lassin doaibmá diehtogáldun turisttaide ja guovddáža áigumuš lea maid geavahit iešguđetlágan čájáhus- ja ovdanbuktinvugiid, nu go fállat mátkkiid (oahpistuvvon, luonddubálgát), čájáhusat main leat diŋggat mat leat geavahuvvon meahcásteamis, konserverejuvvon eallit, šattut, ja daid buktagat, elliid figuvrrat, geađggit, duodječájáhus, govat ja teavsttat, filmmat, jietna ja girjjit.
Nannet luonggugáhttema
Mihttu dáinna guovddážiin lea nannet luonddudiehtaga, luonddugeavaheami, luondduilu ja luonddugáhttema, máŋggagielatvuođa ja sámegiela luondduoahpus ja -gáhttemis.
Sii čilgejit viidásit ahte sii háliidit geahččat stuorát perspektiivvain barggu ja dáinna čuoládagain ovdánahttit luonddugáhttema Norggas ja máilmmis: «Jurddaš máilmmiviidosaččat ja doaimmat baikkalaččat».
Bovdejit álbmoga searvat
Sii háliidit oktavuođa olbmuiguin geain lea máhttu earret eará luonddu ja luonddugeavaheami birra, erenoamážit Finnmárkku duoddaris ja jurdagat movt ovdánahttit guovddáža.
Sii sávvet maid ahte olbmot buktet evttohusaid mii meahcceguovddáža namma galgá leat (Oanehis namma nu go Ája, Árran, Ájtte, Gáldu ja nu ain).
Lea maid vejolaš addit govaid, girjjid dahje diŋggaid luondduguovddáža čoahkkáldagaide
Dáid dieđuid leat gávdnan ovdaprošeavtta raporttas mii lea gávdnamis neahttasiiddus, http://meahcci.info. man aiddo leat álggahan. Neahttasiiddus gávnnat maid oktavuođadieđuid.
