-Almmuhus-
OĐĐASATGuovda­geainnu ja Káráš­joga doaktárat bargo­heaitagis mielde

Guovda­geainnu ja Káráš­joga doaktárat bargo­heaitagis mielde

-

-

Doavtterstreaika viiddiduvvo 12 doaktáriin čieža suohkanis mánnodaga rájes.

Mánnodaga viiddiduvvo doavtterstreaika ja de leat oktiibuot 35 doaktára bargoheaitagis.

12 ođđa doaktára biddjojuvvojit bargoheaitagii. Suohkanat gos doaktárat fertejit streiket leat Guovdageaidnu, Kárášjohka, Sirdal, Vang, Nord-Aurdal, Herøy ja Ákŋoluokta.  Bargoheaitagii váldet dakkár suohkaniiin gos lea stuora doavtternoađđi.

Rašes doavtterbálvalus

– Lea álo gáibideaddji bidjat dearvvašvuođabargiid bargoheaitagii. Dat fiinna balánsa boahtá lassin eahpesihkkaris pandemiijadilis. Mii leat dán vuoru váldán muhtin doaktáriid bargoheaitagii. Válljen čájeha man rašši doavtterváktabálvalus lea, earenoamážit guovllusuohkaniin, lohká Norgga doavttersearvvi presideanta Marit Hermansen bargoheaitaga birra.

Ovdalaččas leat 23 doaktára bargoheatagis Bergenis, Romssas, Áhkánjárggas, Stavangeris ja Troandimis.

Golggotmánu 15. beaivvi eai soabadan šat bálkášiehtadallamiin, ja bargoheaitta álggii golggotmánu 26. beaivvi. Šiehtadalli luhtte ii leat oktavuohta leamaš beliid gaskkas.

Doavtterbargoheaitta lei maŋemusat 2016:s. Dalle biddjui bákkuin bálkálávdegoddi bargat go bargoheaitta lei bistán vihtta vahkku. Dán čállá NTB.

-Almmuhus-