Guovdageainnu suohkana ovddeš sátnejođiheaddji lea Guovdageainnu Dáloniid Listtu njunuševttohas.
Guovdageainnu Dáloniid Listu gárvii iežaset evttohaslisttu mannan vuossárgga eahkeda. Listtu bajimuš lea Klemet Erland Hætta.
– Klemet Erland lea maid min evttohas sámediggeválgii, lohká bellodaga jođiheaddji Isak Mathis O. Hætta Altapostenii.
Jagi 2019 válggas oaččui Dáloniid Listu vihtta áirasa suohkanstivrii. Dalle ovddastii Klemet Erland Hætta Sámeálbmot bellodaga suohkanstivrras. Klemet Erland lei Guovdageainnu suohkana sátnejođiheaddji golbma áigodaga, 2003 rájes gitta 2015 rádjái. Son lea maid Pasientfokus bellodaga várreáirras Stuorradikkis dán stuorradiggeáigodagas.
Dáloniid Listtu nubbeevttohas lea Berit Inga Eira ja goalmmátevttohas fas Ole Klemet Anders Hætta.
