Guovdageainnu suohkan čállá iežaset ruovttusiiddus ahte báikkálaš dearvvašvuođabálvalus vásiha dávjá ahte olbmot eai vástit telefovnna go njoammunsuddjendoavttir riŋge. Dat šaddá váttisvuohtan ja dagaha lassi barggu suohkanii.
Guovdageaidnu suohkana báikkálaš dearvvašvuođabálvalus bargá njoammunguorramiin.
Dál dieđiha Guovdageainnu suohkan iežaset neahttasiiddus ahte báikkálaš dearvvašvuođabálvalus vásiha dávjá ahte olbmot eai vástit go sii riŋgejit. Sivvan dasa lea ahte suohkana njoammunsuddjendoaktára nummár ii čájehuvvo go riŋge.
– Min ávžžuhus álbmogii lea ahte vástidit telefovnna vaikko ii čájet nummára, nu čállá suohkan ruovttusiiddus.
Go olbmot eai vástit, dalle ferte njoammuneastadandoavttir geavahit eará vugiid, nu movt SMS, ja dat maŋidahttá barggu dárbbašmeahttumiid.
