-Almmuhus-
-Almmuhus-
-Almmuhus-
OĐĐASATGuovdageaidnu ođđa Verdalen?

Guovdageaidnu ođđa Verdalen?

-

-

Jus vuoitit áiggožat de soaitá gánnihit Guovdageainnus tihppet Lotto, ikte manai Lotto vuoitu vuot Guovdageidnui.

Ikte vuite guovttis Lotto ja šattaiga juogadit badjelaš 14 miljovnna ruvnnu. Nubbi vuoitin lei guđátlot-jahkásaš almmái Guovdageainnus eret, dieđiha Norsk Tipping.

 

Son lei tihppen interneahta bokte. Maŋimuš áigge leat ge máŋga guovdageaidnulačča vuoitán stuorra vuoittuid iešguđet lágan Lotto-spealuid bokte, nu orro ge gánniheamen Guovdageidnui vuodjit tihppet.

 

Guovdageaidnulaš dievdu lei ruovttus nieiddainis, iige lean albma ládje čuvvon sáddaga go gesse Lotto loguid. Danne son ii diehtán ahte lea miljonearan gártan go Norsk Tippingas ringejedje sutnje.

– Dál gal dájut? A-a, lea go duohta? imaštii almmái.

Son vuittii badjelaš 7,2 miljovnna ja viesus gullui sihke huikkas ja biškkas vuoitis ja nieiddas ovdal go sáhtte joatkit ságastallama.

 

Juogada mánáiguin

Lihkolaš vuoiti ii lohkan diehtit vuos masa ruđa áiggui golahit. Muhto sus lea stuorra bearaš, geat sihkkarit besset návddašit ruhtavuoittu.

– Dát lei máilmme somá! Duhát, duhát giitu! Dál gal fertet ávvudit, lasihii vuoiti guhte háliida bissut anonyman.

-Almmuhus-