Okta dievdu galgá leat guottašan skávhlli Romssas lávvordat ija. Go politiijat válde oktavuođa, de ii muitán son šat iežas nama. Dál lea son váidon.
Olbmot, geat ledje oaidnán ahte dievdu guottaša skávhlli, ledje dieđihan dan politiijaide.
Go politiijat bohte dievddu lusa, de lei son luoitán lotti, muhto sii geat dieđihedje ledje govven su skávhlliin.
Go politiijat jerre gii son lea, de ii muitán son šat iežas nama.
– Muhto mii gávnnaimet su ID, dadjá Romssa politiijaguovllu doaibmajođiheaddji Eirik Kileng NTB:i.
Dievdu lea váidon go ii almmut personália politiijaide. Ii leat vuos sihkar guoská go váidda maiddái skávhlefearánii.
– Lea politijuristta duohken mearridit galgá go skávhlefearán maid leat oassin váidagis, dadjá politiija.
Politiijat eai loga diehtit manne son lei guottašeame lotti, muhto sii leat goit ihkku diibmu 01.45 dieđihan dán dáhpáhusa birra.
Biebmobearráigeahču dieđuid mielde lea skávhli áibbas ráfáidahtton birra jagi, olles Norggas. Skávhlli ii leat lohpi báhčit, váldit gitta, ii ge vaháguhttit dan beasi dahje moniid.
(©NTB)
