-Almmuhus-
OĐĐASAT– Guorbmebiillavuoddji galggašii váldit ovddasvástádusa

– Guorbmebiillavuoddji galggašii váldit ovddasvástádusa

Journalista

-

-

Aleksander ja su moarsi leigga Áltái jođus go geavaiga badjel luotta guorbmebiilla dihte.

Aleksander Nanchev lei jođus Guovdageainnus Áltái iežas morsiin mánnodaga, go vuodjinmátki nogai Suolovuopmái. Ovddal bođii guorbmebiila mii lei dan mađe gasku luotta ahte Nanchev fertii garvit guorbmebiilla ja dainnalágiin ii lean eará ráđđi go vuodjit badjel luotta. Guorbmebiilavuoddji vujii viidáset iige bisánan. Okta biila bisánii ja olbmot bohte veahkkin sudnuide.

– Sii maid muitaledje oaidnán dan guorbmebiilla hui leahtuin vuodjime, lohká Nanchev.

Nancheva biila lei nu roakčanan ahte fertii gádjunbiilla riŋget boahtit, ja šattai politiijaide čilget dáhpáhusa.

 

Sihtá jurddašit buorebut

Dál sihtá Nanchev guorbmebiilavuoddji jurddašit buorebut movt vuodjá luottaid alde, erenoamážit go nie njalkkas lea go dan beaivvi lei.

– Nuppes ii soaitte mannat ná bures go dál manai. Danne háliidivččen dieđihit vuoddjái ahte ferte váldit ovddasvástádusa vuojedettiin, lohká Nanchev.

 


Suolovuomi bokte lei njalkkas, muhto aŋkke fiertu. Priváhta govva.

– Ii galggaše nuppes dáhpáhuvvat oktiige nie

Politiijat doivo álggos ahte ledje gávdnan guorbmebiilavuoddji, muhto ledje addán boasttu dieđu Nanchevii.

– Bargat ja dinet gal sáhttá olmmoš olles eallima, muhto dat nubbi vuoddji galggašii váldit ovddasvástádusa vai ii dáhpáhuva nuppes dakkár lihkohisvuohta, dadjá Nanchev geas ii lean kaskodáhkádus biillas.

Son jugii govaid ja dieđu Facebook-siiddus, ja siđai olbmuid juohkit su čállosa vai soaittášii gávdnat guorbmebiilavuoddji.

-Almmuhus-