E6 luottas Báhccavuonas Romssas lea guorbmebiila vuodján badjel luotta ja guorbmebiilla goallosvovdna caggá johtolaga go lea doarrás luotta alde.
Odne mánnodatiđit vujii guorbmebiila badjel luotta ja goallosvovdna lea doarrás luotta alde mii hehtte johtolaga beassat meattá. Ii oktage galggá leat roasmmohuvvan lihkohisvuođas.
E6 luodda lea oalát giddejuvvon, ja Romssa politiijaguovlu sihtá olbmuid vuodjit Storsteinnes bokte.
Operašuvdnajođiheaddji Eirik Kileng muitala NRKii ahte sáhttá ádjánit ovdal luodda fas rahpasa.
Vurdet gádjunbiilla
– Goallosvovdna lea doarrás luotta alde, ja ovdageahči lea geavvan badjel luotta. Mii leat vuordime gádjunbiilla mii lea boahtime Ivgubađas, nu ahte lea váttis diehtit goas luodda fas rahpasa, lohká operašuvdnajođiheaddji.
Nubbi luodda rabas
Dál lea beassášluopmu manname loahpaguvlui ja politiijat vurdet ollu mátkkošteddjiid luottaid alde nuppi beassášbeaivvi, muhto ii leat vel šaddan biilaráidu E6 luottas.
– Biillaid sihtet vuodjit nuppi luotta mii manna Storsteinnes bokte, ja lei buorre go lea nubbi luodda lahka maid sáhttet čuovvut, muitala Kileng.
Luodda mii lea rabas lea fylkkaluodda 296 ja 858, muitala Stáda geaidnodoaimmahat ja ávžžuha olbmuid čuovvut daid luottaid.
Lihkohisvuohta dáhpáhuvai jur ovdalaš diibmu gávcci. (©NTB)
