Árvalit Finnmárkui cegget mekánalaš áibmosuodjalusa mainna bissehit Ruošša jus falleha Norgga Finnmárkku bokte.
Árvalit Finnmárkui cegget mekánalaš áibmosuodjalusa mainna bissehit Ruošša jus falleha Norgga Finnmárkku bokte.
Suodjaluslávdegoddi lea bargame guorahallamiin mas evttohuvvo radikála rievdadusaid dahkat Ruovttusuodjalusas ja Soahteveagas.
Soahteveahka ii leat nanus
– Reakšuvdnanávccat leat beare heajut, soahteveagat eai nagot doarvái jođánit johttit, soahtanfámut – erenoamážiid artilleriija ja missiillat – leat beare fuonit, ja soahteveagas ii leat doarvái sávrodat vuosttaldit guhkit áigge, muitala brigáda Aril Brandvik Klassekampen aviisii.
Son jođiha áššedovdilávdegotti maid suodjalusministtar Ine Eriksen Søreide ásahii mannan geasi. Lávdegoddi galgá geahčadit makkár effeavttat leat jus bidjet oktii Soahteveaga ja Ruovttusuodjalusa.
Lávdegoddi galgá guokte analysa dahkat mas boađusin leat golbma konseapta mas árvvoštallo movt galget gieđahallat ášši jus Ruošša falleha Norgga.
Iešguđet alternatiivvat
Okta dain konseapttain lea gohčoduvvon «árrit ja bisset», mii lea otná konseapta, mas Suodjalus galgá hehttet Ruošša johttit jođánit Finnmárkkuduoddara badjel, ja mearrideaddji soahtan čađahuvvo sis-Romssas.
Finnmárkkus galget leat soahtevuojánat ja mekánalaš soahtejoavkkut mat čađahit áibmosuodjalusa.
Dat guokte eará alternatiivvat lea «biehttalus» ja «aktiiva soahtan», mas vuođđun lea báhčalit missiillaid soahtegirdis, fatnasis dahje eatnan alde.
Lávdegoddi deattuha ahte sii leat guhkkin eret loahppaárvalusas. (©NTB)
