-Almmuhus-
-Almmuhus-
OĐĐASATGuollerusttet bulii gutnan – jápmán olmmoš gávdnui buollinsajis

Guollerusttet bulii gutnan – jápmán olmmoš gávdnui buollinsajis

-

-

Mánnodaga gávdnui jápmán olmmoš buollinsajis maŋŋel sotnabeaivvi buollima guollerusttegis Flakstad báikkis Lofuohtas.

Visttis, mii bulii gutnan, lei bargiid ásodat, ja lea okta dievdu gii lea badjelaš 30-jahkásaš ja Litauenis eret, gean eai dieđe gosa lea jávkan.

Jápmán olmmoš ii leat vuos identifiserejuvvon, muhto politiijat jáhkket ahte dat lea dievdu gii lea jávkosis.

– Su lagamuččat leat ožžon dieđu, dieđiha Oarje-Lofuohta leansmánnekantuvra disdatiđida.

 

Dikte jo buollit gutnan

Buollin dieđihuvvui sotnabeaivvi gávcci áigge eahkedis.

Buollin bisttii guhká, ja logis eahkedis nagodedje hehttet buollima leavvamis, seammás go oidne ahte eai sáhte gádjut šat vistti, ja buollinčáskadeaddjit dikte vistti buollit jo gutnan.

Politiijat leat dutkan buollima, ja gávnnahan ahte buollin álggii dan ásodagas gos láhppon dievdu orui. Viesus mii bulii, ásse vihtta olgoriikka bargi.

Njealjis gádjo heakka ja besse dearvan buollimis. 

(©NTB)

-Almmuhus-