Ruošša guolástanfanas lea Romssas hápmanis. 15 olbmos fatnasis lea korona.
Romssa suohkan dieđiha sotnabeaivve preassadieđáhusa bokte ahte lea gávdnon korona Ruošša guolástanfatnasis «Sapphire»:s. Fanas lea Romssas hápmanis, ja ii oktage leat gáttis leamaš.
Romssa suohkan dieđiha ahte fanas bođii Romsii lávvordaga, ja lei vuos okta olmmoš geas váldui iskkus mii čájehii positiiva korona vástádusa. Sotnabeaivve čájehuvvui ahte 14:s earáin maid lei korona. 15 olbmos 36 olbmos fatnasis lea korona, muhto sotnabeaivve ii lean vuos diehtu boahtán leat go buot vástádusat čielgan.
– Mis lea kontrolla. Ii leat oktage leamašan gáttis Romssas. Sis geain lea duođaštuvvon korona leat isolašuvnnas, ja earát fas erremis. Ii leat ballu ahte leavvá báikegoddái, dieđiha suohkana váldodoavttir Kathrine Kristoffersen preassadieđáhusa bokte.
